Ms BIU Santé no 2007, fo 128 ro.
Vir Cl. Nuper ad Te scripsi, nempe 16. Martij, per Elsevirium,
Amstelodamensem Typographum : ecce iterum ad te scribo ut intelligas
me Tibi comparasse historiam Ecclesiasticam D. Ant. Godeau Episcopi
Venciensis, quæ constat duabus partibus : dictus est mihi iste Author
sese accingere ad editionem 3. et 4. partis, quæ quum edita fuerint,
sex prima secula complebunt historiæ Christianæ. Habeo quoque Ant.
Oudin Nomenclatorem quemdam Gallum et Hispanum : cum
duobus Exemplaribus Hispanis, Germanis, Italicis, et Gallicis dialogorum,
sive Colloquiorum ejusdem Authoris. Ijsdem adjeci Operationes
Chirurgicas, Fr. Tevenin Chirurgi regij, et in vesicæ sectione
ad calculi detractionem artificis præstantissimi. In eodem fasciculo
