Ms BIU Santé no 2007, fo 148 vo.
Clar. viro Thomæ Bartholino, Hafniam.
Vivo et valeo, Vir Cl. et scribo, quamvis pauca mihi supersint quæ
scribam, ab eo tempore quo scripsi per D. Bierman, Legati vestri Secretarium.
Hîc habemus totum Cardanum x. tomis in folio : et novam Editionem
libri Cl. viri D. Vander Linden, de Scriptis Medicis. Ante duos menses
habebimus Iac. Hollerium de morbis internis, in fol. cum Commentarijs
Lud. Dureti, Valetij et Io. Altini. Expectamus in dies librum novum
Fieni, de signis morborum : qui currit sub prælo Lugduni Celtorum : utrumq.
ad Te mittam in discessu vestri Legati. Rex et Regina bene se habent
ex morbillis : pro quib. ad cautelam et certam curationem utrique secta fuit vena
ei ter, illi quinquies : sed Regina Parens nondum bene habet : ab aulicis
medicastris male fuit excepta per pulverem Peruvianum, vinum ex stibio
eneticum, merè venenatum, etc. Nic. Fuquetus adhuc latet in regio carcere
