Commentaires de la Faculté de médecine de Paris
BIU Santé, tome xiii, fo 452 ro.
Facultatis ad unumquemque, Doctoris titulo, redire
potuisset, ita à Decano vult supprimi, omnem ut istis, capiendi ;
huic, solvendi eripiat potestatem. Ac ne ex hujus, jam
olim, non semel lati, nunc demum renovati Decreti
ignoratione quisquam posthac excusationem prætendat ;
ipsum primo quoque tempore typis mandandum, et per
apparitores deferendum, omnibúsque hujus Ordinis, cùm
Doctoribus, tum Licentiatis viritim distribuendum
censet. Actum in Scholis superioribus Medicorum
Academiæ Parisiensis, sub sigillo Facultatis, die
et anno suprà designatis.Guido Patin, Decanus.
Die Mercurij 31. Maij, 1651. selecti illi supranominati
Doctores omnes adfuerunt in Scholis, horâ secundâ
pomeridianâ convocati à Decano, qui de instaurandis
ædibus nostris negotium discusserunt cum famoso
quodam Architecto, dicto Villedot, quique eam apud se
curam suscepit, intra octiduum in eodem loco, novum
ædificandi consilium atque propositum (vulgò
dicitur dessein de bastir) se nobis allaturum.
Die Mercurij 7. Iunij, 1651. Architectus dictus
Villedot, cum Doctoribus supranominatis adfuit in
Scholis, et nobis singulis demonstravit ædes
nostras esse diruendas de plano, non verò tantùm
reficiendas, ut nonnulli contendebant : in quam
sententiam, auditis ejus rationibus, omnes iverunt,
ac ex eorum consensu, exemplar mihi reliquit
de suo consilio nostræ Facultati exhibendo,
