BnF ms latin 10352‑I, f^o 153 v^o

quamvis enim sub ditione Musarum degamus, et Apollinis
Mystæ nos quoque simus, haud tamen nos Apollinis
infula teget, quin rubigine et situ ita mens obducatur,
ut bonæ frugis expers tandem fiat ; nisi tu adsis subinde, qui
nos erigas, et animi torporem excutias. Quod ut præstes
quamprimum etiam atque etiam rogo, memineisque
velim te pollicitum esse mihi Iconem summi Viri Naudæi
et Puteanorum fratrum, quas omnes eodem quo Epistolas
tuas includere poteris fasciculo, quibus verò salutem
quæso, a me plurimam nunciabis. Vale, Vir doctissime,
Vir optim, Vir ad unguem facte, et me semper ama.
Arausiono pridie Kalendas Decembris 1650. Has
ad Pratæum nostrum velim probè et quamprimum
cures. Librum nuper nactus sum quem libenter ad
te transmitterem, si qua daretur occasio, titulus est
Declaration des abus et tromperies que font les
Apoticaires.