Commentaires de la Faculté de médecine de Paris
BIU Santé, tome xiii, f^o 529 v^o

Commentarijs Facultatis, in Sacellum secesse-
runt, unde tandem post dimidiam horam
reversi, tres Doctores nominaverunt in Decanum ;
nempe Magistros Ioannem de Bourges, et
Franciscum Blondel, ex majori ordine : ex
minori verò Magistrum Paulum Courtois :
quorum trium nomina schedulis papyraceis
seorsim inscripta statim fuerunt in pileum
conjecta, unde felicisisma optimáque sorte
deprompsi virum doctissimum, peritissimum
et præstantissimum, Magistrum
Paulum Courtois, Meldensem, qui statim
præstito in manibus meis juramento fidelitatis
pro more, ab universa Facultate, summo
cum gaudio agnitus et acceptus est in
Decanum, ad biennium proximum.

    Eodem ipso die, ijsdemque comitijs, varij
Professores fuerunt electi. Physiologiæ
Professor factus est Magister Ioannes
Baptista Moreau : Chirurgiæ, Magister
Ioannes Garbe : Pharmaciæ, Magister
Iacobus Perreau : censor Scholarum