Ms BIU Santé n^o 2007, f^o 54 r^o.

Cl. viro D.D. Io. Ant. Vander Linden, Leidam.

Vir præstantissime,

Clariss. noster Senior Riolanus
obijt die Lunæ, 19. Febr. ex mictione cruenta, febre continua, gangrenosi,
anno ætatis 77. Selecta tua eo obtuli vidit et accepit, Corn. Celsum MS suum promisit, sed
promissis non stetit nec tamen habeo : per vim Fati, non licuit. Si vænum exponantur
ejus libri, preces et pretium pro eo habendo offeram : dixerat quoque se
ad Te scripturum, ut de pro dono tuo gratias ageret. Amisi præceptorem hono-
randum, et amicum suavissimum : boni pereunt, improbi superstites
remanent, ut probetur patientia bonorum tandem meliores fiant, vel miserè pereant. Cùm rapiant mala fata
bonos etc. Plura scribere vetat dolor. Vale et me ama.

Tuus ex animo G.P.

Parisijs, die Veneris,
23. Febr. 1657.