Ms BIU Santé n^o 2007, f^o 59 v^o.

Clarissimo viro D.D. Io. Ant. Vander Linden. Leidam.

Duobus tuis responsurus, Vir Cl. primò dicam, me summo gaudio
affectum fuisse, audito gratissimo nuntio de pace nostra cum Batavis
confecta : quæ utinam pervenet, ac nihil habeat insidiarum : gaudeo
quoque tam auspicata fuisse primordia legationis viri amplissimi
D. Thuani, quem ex animo colo atque suspicio. Obstupuit, et quasi in
pœnitentiam adductus est Mentellus noster, quum à me rescivit
Corn. Celsum critica et erudita tua manu locupletatum, brevi cis unum
aut alterum mensem, in lucem proditurum, et ad nos venturum.