Ms BIU Santé no 2007, fo 179 vo.
Cl. viro D. Io. Mich. Dilhero, Noribergam.
Jampridem gratiarum actionem Tibi debeo, Vir Cl. tam pro amore in me tuo,
quam pro libris tuis ad me tam liberaliter transmissis antehac, per optimum virorum
D. Volcamerum, cujus in me amori et beneficentiæ sum devinctissimus. Eruditos
tuos libros, præsertim Electorum, ac Disputationum tomos duos feliciter evolvi, et ab eorum lectione
semper melior factus sum : eóq. nomine utinam Te servet Deus in multos annos. Mihi sem-
per commendatissimum habebo D. Iac. Henr. Pauli, multiplici nomine jam antehac commen-
datum. Publicæ res nostræ per hyemem proximam videntur sopitæ, sed haud dubiè, et
vere novo excitabuntur, et forsan antea, quod auguror, (et utinam sim vanus arus-
pex) in hoc meo præsagio) ex mutua tot Principum discordia. Interea v. tu Vir Cl.
bene vale, et me ama. Parisijs, 27. Nov. 1664. Tuus ex animo, G.P.
