Ms BIU Santé no 2007, fo 209 ro.
Cl. viro D. Seb. Scheffero, Med. Doctori, Francofurtum.
De Te jampridem nihil audivi, Vir Cl. quî vales, quî agis, quid
moliris ? Seb. Switzer et Ochsius huc venerunt, nec quidquam per eos
scripsisti. Quî procedit Editio nova Casp. Hofmanni ? quandonam venient
Officinalia Medicamenta, et Tractatus MS. de humoribus, etc. ut et pars illa
decima vestri Chacographi ? Nomine meo salutes velim D. Lotichium, ut et
utrumque Horstium. Quî valent uxor tua, et Filiolus ? Deus utrique bene-
dicat. Nihil hîc habemus novi in re libraria, præter Epistolas Doringij, nova
Sennerti Editioni subjunctas. Libri quidam historici hîc apparantur in annum
proximum, de rebus Gallicis. Vale et scribe. Parisijs 26. Aug. 1666. Tuus etc.
