Ms BIU Santé no 2007, fo 113 vo.
in regio carcere detinetur : sed quo tandem eventu solus Deus novit, qui Regum
corda dirigit, et quò vult inclinat. Dissidium Romæ subortum est inter
quosdam nobiles Gallos, de familia Legati nostri Ducis de Crequi, et quosdam
Italos de custodia militari Papæ : propter per istud jurgium utriumque necati sunt
aliquot viri, sed aggressores fuerunt quidam ex custodibus Papæ : unde factum
est ut Rex noster Legatum suum 2 in Galliam revocaverit, et 1 Româ statim
excedere jusserit : Legatum quoque Pontificium, quem vulgo, Nuntium Papæ
nuncupant, hîc morantem, Rex Meldas amandavit : ecce incendium
Romanum, cujus scintillæ possunt in Italia bellum accendere, nisi statim extin-
guatur. Cl. viros D. Mart. Schoockium, Canterum, et alios amicos, meo
nomine, saluta. Parisijs, die Merc. 13. Sept. 1662. Tuus ex animo Guido Patin.
