Ms BIU Santé n^o 2007, f^o 213 v^o.

Hîc vagatur rumor, sed adhuc incertus, de obitu Reginæ Majoris Britanniæ,
erat soror Regis Lusitaniæ : nullam relinquit prolem. Agitur quidem de Pace
sed nondum sancita, inter Anglum et Regem nostrum : nobis adhærent Danus et
Batavi, imò et Suecos in eandem Societatem venisse multi nonnulli suspicantur.
Cl. illos viros, Amicos nostros, et populares tuos, D.D. Richterum, Dilherum,
Felwingerum, Fabricium, etc. ex animo saluto. Vive, vale, Vir Cl. et me ama.
Parisijs, die 4. Febr. 1667.

Tuus ex animo, Guido Patin.