Clarissime Bauhine,

Magno me beabis munere,
si duo præstitebis : primò, nisi grave tibi sit, collegam tuam Platerum meo nomine
si placet salutabis : secundò, a te postulo nomenclaturam omnium librorum medico-
rum et philosophicorum Basileæ editorum ab annis sexdecim. Præterea quoque
rogatum te velim ut scribas ad me quid noveris de Casparo Hofmanno : an adhuc
vivat : quid moliatur : annon aliquid emiserit in lucem a decem annis. Aliquid
inaudiebam de Methodo generali, quod utinam fiat ! Scriptor ille mihi habetur
vestræ Germaniæ ornamentum singulare.