Page 17, Ioan. Pecqueti Diepæi Experimenta nova anatomica.

Caput vi.

Non Canis solus, sed et domestica saltem Animalia
Lacteas habent et Receptaculum ; nec
deesse Hominibus ostenditur. Adducuntur in hu-
jusce libelli veritatem, gravissimorum virorum te-
stimonia.

Ita (mi Lector) habes exactam Lacrea-
rum Venarum historiam. Intra triplicis
dissectionis spatium, assiduum fermè
trium annorum laborem coarctavi ; quia
tantilli temporis dispendio potes ab erro-
ribus desciscere. Trinum tibi, ut expono canicidium
dabit, quod mihi centená plusquam vivarum Ani-
mantium exenteratione vix tandem concessum est.

Nec putes solâ me canini extispicij convictum evi-
dentiâ ; hanc et sibi demonstrati Chyli gloriam omni-
genum prope vendicat pecus : Boves, Equi, Sues,
Feles, ut aliarum specierum non pauca, supposita qua-
vis ætate secespitam meam cruentarunt.

Diversa tantisper in Ovibus natura ludit : in his non
bivium, sed unicus crassiorque canalis à Recepta-
culo Chylum ad quartam dorsi Vertebram devol-
vit ; indéque bifidus per Subclaviorum (ut in cane
notavimus) foraminum ostiola eundem in cavam
exonerat. Id ipsum et in aliis interdum Animantibus
(rariusculè quidem) observavi : Sed utcunque Chy-
lus studeat compendio, viarúmque multiplicitatem
fugiat, ab iisdem tamen Receptaculi carceribus