Page 36, Ioan. Pecqueti Diepæi Dissertatio anatomica de circulatione sanguinis et chyli motu.

Caput iv.

Sanguinis in Fœtu Circulatio.

Quod hactenus de circuitu Sanguinis de-
monstratum est, velim intelligas adultis
maximè congruere, non quòd ipse per
fœtum etiam non devolvatur circu-
lariter, sed quòd diverso nonnihil cir-
cumagatur itinere.

Per hypogastricas prægnantis Arterias in uterum
devehitur Sanguis ; hujus quod magis coctum est in
embryonis Hepar umbilici vena devolvit ; quod se-
rosum magis et incoctum per maternas venas in ma-
ternum quoque cor velut in cacabum remeat, crassio-
re in placentam, seu Iecur uterinum concrescente.

Exceptum in Hepar embryonis sanguinem, inde
Cava et in dextrum cordis ventriculum, quà eidem
conseritur, et simul per ovalem aperturam protrudit
in sinistrum. E dextro cordis ventriculo Sanguis Ar-
teriosam subiens venam, partim per interjectum, in-
star incilis obliqui, canaliculum in Aortam redundat,
partim irriguâ copiâ pulmonem occupans, tantâ eun-
dem opprimit gravitate, propter difficilem ab extre-
mis Arteriosæ venæ in venosam Arteriam secessum
respirationis defectu, ut fœtûs pulmo (nisi respira-
verit aliquanto tempore) Iecinoris et colorem refe-
rens et densitatem nunquam aquæ supernatet.

Respiratio certè in venosam Arteriam Sanguinem
citat, bronchiis socias, hinc venam Arteriosam, et