Page 38, Ioan. Pecqueti Diepæi Dissertatio anatomica de circulatione sanguinis et chyli motu.

Caput v.

Arteriosum sanguinem Partim per Synanastomoseis
in Venas elutriari ; partim per Anastomoseis ex-
travasatum in Venas demum refugere.

Demonstrato Sanguinis in cor à corde
circulo, æquum est et eorum exemplo,
qui bene de Anatomicâ Republicâ me-
riti sunt, ejusdem ab Arteriis in Venas
meatus æmulâ superioribus perscrute-
mur indagine.

Opinantur plurimi Arteriarum extremos apices
summis inseri venularum infundibulis. Sed vasculo-
rum in extremis exilitas nullis oculis, ne Microscopio
quidem instructis, obnoxia nec stabiliendæ senten-
tiæ prodest, nec sufficit impugnandæ.

Asserunt et radicibus in Iecur à Portâ inspiratum
halitum conjunctos cavæ subire ramos ; et in pulmo-
nem à trunco venæ arteriosæ, in extremas sese Arte-
riæ venosæ propagines insinuare.

Tentavi certè pluries in Iecore, sed irrito tamen
conatu experimentum ; dubium spiritûs in me defe-
ctu, an eorum errore.

In pulmone quidem expertus sum communia Sy-
nanastomoseωn inter ejudem canales hiscere infun-
dibula.

Quadam die studium fuit extricatam involucris
Arteriosam venam contemplari. Observo tum non