Page 207, brevis destructio responsionis riolani, auctore hygino thalassio.

Caput iv.

Destruuntur præcipua Riolani argumenta adversus
Lacteas Thoracicas.

Superioribus capitibus virorum mihi ami-
corum famam, quam plusquam oculos
custodiendam lex jubet, repulsis Riolani
conviciis defendi ; nunc operæ precium
est præcipua argumenta, quæ velut scopas dissolutas
adversus Lactearum Thoracicarum hyparxim protu-
lit, hoc capite confutare.

I. Argumentum. Venæ lacteæ innumeræ non possunt
reduci ad duas venulas Thoracicas : quia brevior esset vias et
commodior in cavam descendentem vicinam. pag. 147. res-
ponsion. ad Experim.

Falsum supponit {a} Lacteas innumeras non posse re-
duci ad duas venulas, quæ affixæ lumbis et aortæ {b}
trunco, totóque dorsi latere decurrentes, hinc et
inde ad subclavias se pandunt, aut, ne sit lusus in
nomine, ad eas quæ in brutis subclaviis respondent.
Quoniam non difficilior est hæ reductio quàm me-
saraicarum omnium, quæ inseruntur in Hepar in tres
quatuor ve ramos collectæ, ut vult Riolanus post A-

---

1. Sic pour : supponit in sua sententia (Errata).

2. Sic pour : aortæ descendentis (Errata).

---