Page 229, brevis destructio responsionis riolani, auctore hygino thalassio.

Caput v.

De Lactearum usu. Earum cognitionem, Hippo-
craticam ac veram medendi methodum
nullo modo immutare.

Quid non miraculo est cum primùm in
notitiam venit ? quam multa fieri non
posse priusquam sint facta judicantur ?
Naturæ rerum vis atque majestas in om-
nibus momentis fide caret, si quis modo
partes ejus ac non totam complectatur animo, inquit
Plinius, lib. 7. cap. 1 Histor. natur. Non mirum igi-
tur si lacteæ thoaracicæ initio apud omnes fidem non
invenerint, ac primùm improbabiles visæ sint indo-
cili turbæ ; sed mirum est principem doctrinæ virum,
de naturæ vi ac majestate nondum satis persuasum,
illarum veritatem, quia novam, dira imprecatione, ut
Athlantes orientem solem solebant, contuitum fuis-
se. Argumentis non est investigandum quod experi-