Page 175, ioannis riolani responsio ad experimenta nova anatomica.

Commentatio aduersus nouum de Ve-
nis Lacteis Commentum.

Rara temporum felicitas, inquiebat
Tacitus, ubi sentire quæ velis, et quæ
sentias dicere licet ; Id nimis hodie licitum,
neque legibus vetitum in Religione, et
Medicina, magno Reipublicæ detrimen-
to, dum nouis opinionibus, erroneis, ac
perniciosis, quisque ad libitum indulget :
prisca annorum nostrorum vera Religio de-
struitur ; atque Medicina vetus ac vera, tot
sæculorum experientiis confirmata cor-
rumpitur, nouis figmentis opinionum, et
venenatis pigmentis medicamentorum,
ad necandos homines introductis, et im-
pune exhibitis. Nunc ut quisque vult fin-
git facitque Medicinam ; libertas vnicui-
que concessa dandi quidquid lubet pro
medicamento. Iam non sanat Medicina,