Page 25, thomæ bartholini de lacteis thoracicis historia anatomica.

CAP. VIII.

Usus glandularum novarum.

Cæterum qvia stulta est gloria nisi utile est qvod fa-
cimus, maximos novi Receptaculi seu glandula-
rum lactearum Usus depromam, qvantum invisæ
rei novitas permiserit.

I. Auctus homo numero partium hactenus imper-
fectus, vel nobis non ad unguem perspectus. Perfectior
Anatome reddita, et functiones clarius elucent.

II. Pressior Usus glandularum lactearum est, ut ex la-
cteis mesenterii venis chylum excipiant aliqvem, eun-
dem nonnihil præparent beneficio calidorum vasorum
vicinorum, arteriæ venæque, et breviter præparatum ad
thoracicas, aliasque partes protrudant. Contineri ibi chy-
lum sensus docet, illumque recipere ex lacteis mesaraicis,
pressione illarum innotescit, sursum denique promovere
ramificatio lactearum exinde prodeuntium facit fidem,
imò compresso mesenterio et vulneratis lacteis in thora-
ce vel ligatis, vel digito adactis, chylus illac vel prodit vel
in tumorem tollit vicinum mesenterio locum. Adhæc in
lactei liqvoris defectu, talis humiditas serosa in illis repe-
ritur, qvalis in glandulis conspicitur.

III. Serum à cyhlo in levi illa præparatione et expul-
sionis conatu separatum in adjacentes vel renes expri-
munt, vel Emulgentes arterias qvibus ramos mittunt, vel
capsulas atrabilarias sero melancholico destinatas, vel
deniqve per Peritonæi duplicaturam, in qva morantur.