Page 27, thomæ bartholini de lacteis thoracicis historia anatomica.

qvendam scribit febre maligna laborantem, cum nihil bi-
beret, nisi aqvam gelidam, in Diabetes incidisse, ut potus
omninò immutatus redderetur, servans eundem colo-
rem, consistentiam, saporem, atque odorem. Zacutus Lusi-
tanus lib.2. Prax. Adm. Obs.71. narrat de qvodam meraci-
oris vini potu nimium indulgente, parvo tempore plures
ingentesqve calices exsiccasse, sed qvicqvid bibisset, illicò o-
dore, sapore, colore inalteratum minxisse, et, qvod o-
mnem fidem superat, intra horæ spacium 20. libras aqvæ
ebibentem, eundem potum qvalem hauserat, limpidissimum
per urinam excrevisse. Salmuth Cent.2. Obs.95. {a} virum no-
vit, qui vino Leustadiano se crebrius ingurgitans, illud
per unirnam crudum planè in substantia, colore et odore
(sed gustare se noluisse) rejiceret. Patavij mihi referebat
Benedictus Sylvaticus {b} summus Practicus, vidisse se me-
jentem vinum rubrum eo colore et odore, qvo hauserat.
Externa nolo exempla, qvia in meipso nuper sum exper-
tus in calculosis insultibus, qvi me per vices carnificis in-
star (ut cum Erasmo conqverar) torqvent, potum exigua
mensura vinum Rhenanum, tanqvam diureticum, brevi
post clarissimum in matula prodiisse, colore et substantia
persimile, taleqve per aliqvot dies immutatum manis-
se. Laborent qvantum velint Practici in renum intempe-
rie, viarum laxitate, attractricis vel retentricis imbecillita-
te, nunqvam tamen se expedient, nisi breves has vias habu-
erint perspectas, per qvas sine substantiæ mutatione aut
sangvinis miscelâ, cito meati transeunt assumpta.

---

1. Sic pour : 91.

2. Sic pour : Silvaticus.

---