Page 67, thomæ bartholini de lacteis thoracicis historia anatomica.

mutaturos modestè qvidqvid vel desideratum fuerit vel
peccatum. Hanc legem nobis posuimus, qvam Naturæ
reverentia sancivit.

Coronidis loco duo superaddimus, 1. Cur hactenus
tam illustria naturæ vasa oculos lynceos Anatomicorum
effugerint. 2. Qva administratione seu εγχειρησει in-
venta jam, ab aliis facilè videri et demonstrari possint.
Varia sunt qvæ pro neglecta hactenus observatione præ-
tendi possunt. Inprimis Naturam invidam culpamus,
qvod seculo huic qvam prioribus cunctis magis faverit.
Effascinat illa nobis oculos, ne maximè patentia subinde
videamus. Oculorum mentisqve hic est defectus certo
divinæ vindictæ indicio, qvi mundum tradidit disputati-
onibus suis, ut non inveniat veritatem, nec ullus sit libro-
rum finis, lectioqve multa humanam vitam occupet, Ec-
cles. xii 12. Venas lacteas omnes ex pancreate ad hepar
ferri siqvidem pro certo habuimus, ulteriori investigatione
supersedimus. Tantumqve Galeni apud omnes valuit au-
ctoritas, ut solo hepati omnem chylum in sangvinem
convertendi munus consensu communi sit delatum. Huc
accessit situs novorum vasorum profundior, ad qvem
difficile observantium oculi manusqve pervenerunt. In
thorace certè profundo nihil tale qvis unqvam qvæsi-
visset, præsertim qvum omnis opera circa motum cordis
et sangvinis ibidem desudarit. Non dubium est sæpius
hujusmodi canales visos, sed vel pro nervis habitos, vel
venulis inanitis, vel adipe, vel membranulis. Thoraci-