Page 19, Ioan. Pecqueti Diepæi Experimenta nova anatomica.

Et quia bonum non est, quod diffundi non vult,
plures accersivi, non quidem ex gregalium fæce pro-
miscuos homines ; sed oculatos admodùm, et in rebus
Anatomicis eruditos viros : ut, non tam meæ testes
sapientiæ, quàm felicitatis participes, te saltem ad au-
dendum suâ valeant auctoritate compellere.

Placet et selectis aliquot eorum Nominibus obsti-
natum (si ultrà tibi) animum obruere. In ore duorum
vel trium, inquiunt Oracula, stabit omne verbum ; plu-
res citabo. Ac in primis quidem Iacobum Mentellum,
virum Patricium et in almâ Parisiensis Medicinæ
Scholâ lectissimum Professorem, dignissimúmque
ejus Pronepotem cui Typographiæ Inventionem de-
bet Orbis. Petrum deinde Mersennum in eâdem facul-
tate Doctorem sapientissimum. Adrianum Auzotium
Rothomagensem addam, virum omni literarum gene-
re ornatissimum, cujus ope, consilio, et intimâ familia-
ritate mihi non pauca patuerunt. Ludovicum denique
Gayanum, insignis notæ Chirurgum, cujus eximiam ad-
miratus, dum in publicis Medicorum Lutetiæ Scho-
lis dissecaret Mentello nobili disserente, peritiam, op-
tavi aut meorum damnatorem errorum, ant {a} manifestatæ
mihi tam crebro experimento, veritatis assertorem.
Nec præterivissem, nî festina mors invidisset, Iacobum
Duvallium in eâdem Parisiensium Medicorum faculta-
te doctorem solertissimam, quem ingenua fides detectæ
fecit dudum præconem veritatis, ut in eandem amor
Experimentis meis dederat diligentissimum spectatorem.

In hos plura non eloquar, ne lædam inconditâ ser-
monis barbarie. Subjungerem et alios ; sed testium
suspecta fides, ubi pauci, tantíque non sufficiunt, nec
iniquitate vacaverit iudicantis animus, si, ultra lega-
lem, numerum augeri vult.

---

1. Sic pour : aut.

---