Page 32, Ioan. Pecqueti Diepæi Dissertatio anatomica de circulatione sanguinis et chyli motu.

Exhaustum replevi Portæ truncum relaxato liga-
minum altero ; moxque restricto rursus ad Hepar con-
cidit ; iteratóque crebriùs experimento, palàm fuit
affatim et impetuosè in Iecinoris anfractus ex Portâ
Sanguinem irrumpere. Et animadvertens quantos
hæc per ejusdem visceris concavam partem ramuscu-
los, in Sanguinis (Arteriarum more) vehiculum di-
stribuat : Num (inquam) et ipsa Iecori, Arteriæ ti-
tulo, Porta fervidam Sanguinis copiam in ventriculi,
coctricísque sarcinæ fomentum effundat ? impari
prorsus, ut conjiciebam, effectui tanto, cœliacarum
propaginum exilitate.

Et bene, Porta nempe intra Iecur arteria prorsus
est ; ut enim à trunco Sanguinem ad extremos ramus-
culos dimittunt Arteriæ, venæ autem ab extremis ad
truncum reducunt, sic à trunco Porta Sanguinem in
Hepar ad extremas mittit propagines, quem extra
visceris concavum suis ab extremis ad truncum col-
legerat. Et ut sunt Arteriarum tunicæ venosis cras-
siores, sic Porta crassiorem intra Iecur tunicam ade-
pta est, quàm sit ea, quâ per totam viscerum substan-
tiam dispergitur.

Nec me, cùm crassiorem intra Iecur dico venæ
Portæ tunicam, ab αυτοψια desciscere arbitreris, Ani-
malis enim, quod lustrabam, ocyus disrupto paren-
chymate, nudæ Portæ formam expedio. Ejus tuni-
ca extra Iecur venarum simplicitatem retinens, intra
Iecur Arteriosa omnino apparuit, sicut indubitatò
patuerit, quod antea suspicabar, Sanguineorum,
nempe, canalium alios, ut est Aorta, nomen Arteria-
rum mereri tantùm ; aliis quod in Cavâ planum est, so-
lam venæ appelationem congruere ; esse denique,