Page 10, thomæ bartholini de lacteis thoracicis historia anatomica.

demonstrent per eas reduci sanguinis reliqvias ad
hepar, nihilqve remeare. Nec cum Riolano credimus, ne-
cessitatis tempore in omnimodâ obstructione lactea-
rum, hac chylum perferri. Cessabit potius, ut dictum, nu-
tritio, et atrophiâ marcescet animal. Et qvid ad chylo-
sum intestinorum fluxum reponet ? Harvejo autem o-
culatissimo in Anatomicis condonare non possumus an-
tiqvum errorem, qvum opus non sit vasa confundere,
qvæ distinxit natura, sciamusqve diversum esse vasorum
umbilicalium usum in embryone et adulto, nec deniqve
mesaraicas venas chylo impleri videamus, si aliunde in-
fluxus impediatur.