Page 234, brevis destructio responsionis riolani, auctore hygino thalassio.

Hippocrate libello περι αρχων. μετροπολις {a} του ψυχρου και
του κολλοδεος ; sedes frigidi et glutinosi ; at in chylo
principium est glutinosi humoris, atque in ipso pri-
mùm continetur mucilago quædam, quæ in ventri-
culo insito ejus calore, atque insuper humidi alicujus
dissolventis beneficio è cibis extracta est.

Ad tertium usum venio, aut lactearum thoracica-
rum utilitatem, quæ nimirum ea explicat quibus illæ
lucem afferunt non mediorem. {b} Primò clarè intelli-
gitur ratio sympathiæ ventriculi et cordis, cui ille
bona sua vel mala per liberam et patentem thoraci-
carum lactearum semitam sine impedimento com-
municat. Vt jam doctè à Guiffarto et Bartholino anno-
tatum est ; per has cardiacorum ac venenorum vis
impermixta transit. Secundò multorum morborum
causæ antea Medicis indictæ et ignotæ aperiuntur,
ex ipso Riolano in dubiis resolutis Bartholini pag . 71.
In prætermissis respons. ad experim. pag. 369. Notan-
da mesenterij sympathia mirabilis cum collo, axillis et mam-
mis per istos tubulos lacteos novos ; ac proinde vitium glan-
dularum strumosum non elucere solet in istis locis nisi radices
egerit in mesenterio. Et in Iudicio de venis lacteis, etc. {c}
Si laxiores sint venæ lacteæ mesentricæ, id ob recepta-
culi inter psoas latentis vitium magis contingit, Se-
rum chyli vel ipsemet chylus potest per urinas et per uterum
expurgari, inde fluores albi uterini diuturni et curatu diffi-
cillimi absque ulla acrimonia et fervore, qui vel gonorrheæ
simplici tribuuntur, vel humoribus pituitosis è toto corpore ad
uterum confluentibus. Et infra Si lacteus humor purifor-
mis in dejectionibus observatur, nullo colico dolore prægresso,
sine febre, ad fluxum istius lactei chyli putris in intestina regur-
gitantis causa referri debet. Si urinæ lacteæ reddantur vel
habeant hypostatim lacteam puriformem, nullo præcedente

---

1. Sic pour : σαρχων. μητροπολις.

2. Sic pour : mediocrem.

3. Note marginale : Pag. 8. et 29.

---