Page 71, Ioan. Pecqueti Diepæi Dissertatio anatomica de circulatione sanguinis et chyli motu.

conflatum calore fulcimentum.

Alij aëris ex Æolipilâ eliciendi proponuntur et explicantur modi.

Est et alius, exugendo videlicet, replendarum Æo-
lipilarum modus ; validum sanè adversus impul-
sionem nostram argumentum, siquidem ratum foret,
quod hactenus omnes arbitrati sunt, Aërem, cum su-
gimus, retrò versùs ad fauces trahi. Lubet ideò recon-
ditum eventilare mysterium.

Æolipilæ caudam in ore tuo include, ut contentus
utrobique aër in oris contubernio continuus fiat ; sa-
nè quandiu nec lingua movebitur, nec dilatabitur
pectus, et utrinque pariter (intra os nimirum et Æo-
lipilam) aër in quiete, æquilibrij lege perseveratu-
rus est. Sed ubi vel linguæ, vel pectoris succedet mo-
tus, etiam utrúmque necessum est aërem commove-
ri ; et quoniam alterutro saltem motu vacuatur Æo-
lipila, quânam id ratione perficiatur, placet disqui-
rere.

Vel solis utêre pulmonibus, pectoris-ve follicantis
dilatatione, vel solo linguæ sugentis, ut putant, ad
palatum allisu.

Priori quidem modo totum pectus distenditur,
nullâ interim per compressa labra, sicut nec per na-
rium spiracula aëris (qui sit cùm ori, tùm Æolipilæ
exterior) aurâ intus irrumpente. Distentum pectus
etiam aëri, quem Æolipilari contiguum oris includit
specus, sedem præparat ampliorem. Aër dato spatio
versùm pectus extendit sese, et ob id ejus evadit Ela-
ter debilior Æolipilari ; quod ut hic (inclusus scilicet