Page 22, Ioannis Riolani Responsiones duæ.

mortem animalis vlla supersunt, nec Recepta-
culi supra Lumborum Vertebras vestigia con-
spiciuntur, ait Pecquetus.

Pag. 108. Fatetur nullum Chylum purum
et sincerum ad Cor fluere, sed permixtum san-
guini. Idcirco ridiculus Pecquetus, dum quærit
in dissecto Hepate Chylum.

Quia dixerat Riolanus morbos qui assignan-
tur Hepati ab Authoribus, ex læsa vel frustrata
vel abolitâ sanguificatione, non ampliùs depen-
dere ab Hepate ; Absit, inquit ille, vt prorsus ab
Hepate morbos eiusmodi nullatenus censeam de-
pendere : atque nouam Pathologiam describit,
adeo obscuram, vt ad eius explicationem opus sit
Oedipo. Si jecur est emunctorium bilis, morbi,
qui ex eo oriuntur, causam habebunt vel sup-
pressionem bilis in Hepate, vel eiusdem excan-
descentiam : Ideóque remedia præscribenda
erunt, quæ valeant expurgare bilem, et ardorem
Hepatis extinguere. Vnde Medicus peritus in
arte sua, cognoscit Pecquetum ignarissimum,
cum suo Ministro, in operibus artis Medicæ :
Nec mirum, cùm Pecquetus sit Oeconomus do-
mus cuiusdam Episcopi, et idem à Secretis ; Al-
ter verò minister Eleemosynarius : sicque mutuis
auxiliis et studiis, conspirant aduersus Riola-
num.

Pag. 114. Splen ex tota sanguinis massa exci-
pit excrementum. Sustineo vix intra quatuor
dies, post viginti vel vltra Circulationes san-
guinis, posse exsurgere et secernere humorem
melancholicum, quia paucus sanguis arteriosus
in Cœliacam effunditur, et momento spargitur