Page 156, Ioannis Riolani Responsiones duæ (1655).
2. Ad Pecquetianos.

iudicium protulisset. Sed condonandum huic
Parasito et Sycophantæ, qui vænalem habet
summ calamum. Audi Alethophile.

Miserum est alienâ viuere quadrâ.

———————————

Responsio
ad Anagrammatismum
Riolani.

Ineptus quidam Poëtaster, et ster-
coreus versificator, qui se nuncupat
Alethophilum, in nefaria et abominan-
da quadam ad Pecquetum scripta Epi-
stola, contra Medicinam nostram et Medicos Pa-
risienses, versus composuit ridiculos et insulsos
super Anagrammatismo Riolani, qui talis est :
Lanius ore insano : nec considerauit suum Patro-
num, nempe Pecquetum, secespitâ suâ armatum,
(est culter ferreus, quo veteres utebantur in
sacrificiis ad mactandas victimas,) plusquam
centenos canes mactasse. Ac proinde Lanius est
ore insano, Canicida, euiscerator canum rabidus,
Gallice, escorcheur de chiens enragés. Riolanus
quando publicè administrabat Anatomica, ve-
ste talari sericeâ indutus, tam dextrè et artificio-
se diuidebat partes sine vlla, aut parcâ sanguinis
effusione, vt non indigeret linteaminibus, nec
brachialibus lineis. Id declarauit in Athropogr.
pag. 62. Ne medici secantis actio sit horrida et
sordida, partes omnes peritè ac solerter secabit,