Page 11, Ioan. Pecqueti Diepæi Experimenta nova anatomica.

ad decimam spatium bifidos anfractibus disjunxerat
fluvialium more tortuosis. Pari tumore diffluebant
transversis non rarò incilibus, velut ad opem mutuam
obliquè coligati. Confuso demum vado, rursusque
distracto flumine, in ampullatos alveos sensim excres-
centes ad Diaphragmatis centrum intumuerant ; non
leve vicinorum, unde per Thoracem in Subclavias
Venas immittitur Chylus, fontium argumentum.

Ergo, cum et ipsum Diaphragma (ut extremo, quod
sperabam, desineret obesse scrutinio) satagerem à
Lacteis vasis sejungere, laceratâ fortè sinistrorsum ad
duodecimam circiter dorsi vertebram ampullâ, cu-
jus est apprimè tenuis membranula, restagnantem
demiratus Lactis effusi copiam, suspicor non exi-
guum illic eiusdem liquoris occuli Receptacu-
lum : Sed manûs imprudentia stitit laborem, et re-
liquum ad resegmina cadaver amandavit ; nam ef-
fluxus Chyli Lacteas penitùs exhausit, et superstes
evanidi tumoris, quà quidem in ampullam visus fue-
rat excrescere, pellicula, felicem (utre, quod aiunt,
cæso) exitum spondere non debuit ulteriùs proces
suro.

Hîc labori locus ex iterato Clavicularum vo-
cabulo, per eas intelligo superiorem thoracicæ ca-
vitatis partem quæ in supinis hominibus Claviculis
subjacet.