Page 27, Ioan. Pecqueti Diepæi Dissertatio anatomica de circulatione sanguinis et chyli motu.

Caput primum.

Motus Sanguinis à Corde per Arterias ad extrema,
et ab extremis per Venas in Cor, Experimentis
demonstratur.

Ut, quorsus proruat per Arterias San-
guis, experirer, vivi Canis evolutam
modò in crure, modò in lacerto, mo-
dò etiam in ipso (ne quid intentatum
effugeret,) Iugulo, Arteriam strictis-
simè filo ligavi ; hæc brevi extrema
versus sidens (gliscente cor versus, ob inclusi liquo-
ris aggestum, canali) docuit à corde per Arterias ad
extrema Sanguinem profundi.

Sed ne insimulares levitatis inferentem, diffissa
trans ligamen ad extrema videlicet : imò, ut reclama-
re tum demum desineres, abscissa prorsus Arteria
vix aliquo tabo vulnus infecit ; exiliente cis vincu-