Page 29, Ioan. Pecqueti Diepæi Dissertatio anatomica de circulatione sanguinis et chyli motu.

indefecturo (ut videbatur) effluxu, miratus sum
emanare. Tum eandem sursum versùs evolutam, ad
Iliacorum usque ramorum dissidium prosecutus, ob-
vios hinc et inde venæ surculos strictissimis filis suf-
focavi : stetit tunc profecto cis vinculum Sanguinis
fuga, et, ab eo loci, canalis ad usque valvulam in In-
guine latitantem exhaustus est ; ejus offendiculum
prementi deorsum Sanguinem penitus obsistens, nul-
lam planè demonstravit descensuro per venas Sangui-
ni facultatem.

Ac tum ego, si Sanguis, inquam, per solas fundi-
tur arterias, Ergo ligatis poterit incruento vulnere
membrum amputari. Citiùs dicto cruralem Arteriam
strinxi, liberis penitus venis, et ad suffraginem paulo
infra vinculum sæviens, abstuli pedem. Effluxerunt
sanè cruoris aliquot guttulæ, nempe quas extremæ
resectarum venarum valvulæ non retinebant, et qui-
bus in nutrimentum cutis, diffusi per crus Arteriola-
rum ramusculi complebantur. Ast ubi residuum in-
fra valvulas Sanguinem abscissæ venæ deposuerunt,
et cutanearum Arteriolarum flagella, cùm frigoris
calorem reprimentis occursu constrictorio, tùm
etiam dolentium ex vulnere partium contractione
fuerunt præpedita, stetit prorsùm Sanguinis effluxus ;
nec ullus insuper ex vasculis per totam sectionis lati-
tudinem sparsis cruor emicuisset, nisi laxato cruralis
Arteriæ vinculo, Arterioso Sanguini patuisset exitus.

Id ipsum in Axillâ periclitor ; id ipsum in Iugulo ;
sed quoniam in canis breviori collo fuerat operiosius,
tentatum in ansere facili negotio successit.

Ac ne demonstratum in pecore, inficieris in ratio-
nali, specta, sodes, brachium tuum, si fortè macies