Page 30, Ioan. Pecqueti Diepæi Dissertatio anatomica de circulatione sanguinis et chyli motu.

elevet tornatiles venas ; illic si turgidissimam Indicis
pressurâ perfrices deorsum, miraberis et valvularum
obstantium tubercula, et ab iisdem inferiùs ad usque
digiti gravamen vacuum venæ canaliculum. Specta
et phlebotomiam obeuntem Chirurgum ; is, arctâ
circùm lacertum institâ, Sanguinis â manu versum
cor prævertit refugium : strictiorem institam paulùm
relaxat, ut expeditâ compressorum tororum angustiis
Ateriâ, liberiori Sanguinis alveo præfocatas venas in-
gurgitet.

Nec verò me putes in majoribus Arteriarum dun-
taxat, aut venarum canalibus sanguineæ circulationis
fecisse periculum ; hanc profectò tentatam ubique,
etiam in exilissimis (quantùm quidem perspicacitas
sivit) utrarumque ramusculis, eandem ubique pari-
ter expertus sum. Hoc in ligatis manibus, pedibusve ;
hoc vel in digitis venarum quarumlibet et sectio et
valvulæ demonstrabunt.