Page 31, Ioan. Pecqueti Diepæi Dissertatio anatomica de circulatione sanguinis et chyli motu.

quis lege concidunt turgescúntque, à trunco nimi-
rùm ad vinculum tumescentes, statim à vinculo ver-
sùm Intestina conflaccuerunt.

Mesaraïcas Portæ sæpenumerò venulas ligavi, ve-
rùm quamvis ab intestinis ad ligamen turgescerent,
nequaquam tamen hinc versus Hepar detumebant
penitùs, imò vulneratæ utrinque Sanguinem effun-
debant.

Attentavi splenos pari successu tubulos ; etiam et
venulam (quæ sortita nomen est à vasculi brevitate)
ad medium à Ventriculo ligamen tumidam, ponè
quidem ad Lienam, aliquantulum vidi flaccessere, et,
utrinque facto vulnere, cruoris effluvium.

Ex his (nisi frequentes lubeat in Portæ ramulis, cum
Arteriis consortibus Synastomoseis admittere) aut
nullis infero valvulis, aut pauxillis certè Sanguinem
intra ejusdem venæ propagines cohiberi.

Subiit illico Riolani mens, Sanguinem videlicet
Portæ per Iecur in Cavam nullatenus transfluere ; méque
tanti viri auctoritas ab ulteriori scrutinio prorsùs ab-
ripuisset, nisi reclamavissent oculi, quos spectaculo
severos judices præfeceram, ignaviam exprobrantes
in medio stadio deficientis.

Ergo anxius ad Portæ truncum recurrens, trium ab
Hepate digitorum interstitio mesentericum ramum
coërcui lignamine : pari distanti Splenicum angustavi ;
arctus quidem nodus fuit, sed tamen facilis laxaturo.
Vix stringere desieram, en ad Iecur à vinculo, qui
priùs intumuerat, truncus exangui alveo conflaccuit ;
ingurgitatis aliorsum utriusque rami canalibus, non
mediocri tum ab Intestinis atque mesenterio, tum
etiam à ventriculo et liene derivati Sanguinis confluxu.