Page 47, Ioan. Pecqueti Diepæi Dissertatio anatomica de circulatione sanguinis et chyli motu.

Caput vii.

Circulari Sanguinis motui sola Systoles Impulsio non
sufficit. In Diastole Attractio nulla.

Sanguinem extrinsecùs impulsio sy-
stoles, diastoles Attractio, rugosa va-
sorum contractio, et adjacentium par-
tium quâlibet ex causâ connixus, viden-
tur afficere. Harum utrum, et quid quæ-
libet ad Sanguinis motum conferat exacto discutien-
dum venit examine.

de systoles impulsione.

Systole Sanguinem pellit, trusáque pars præce-
dentem abigit partem ; sed illa, quæ cor ipsum
postrema deserit, dum in moribundis Arteriæ va-
cuantur, quamvis nullâ corruat insequente, nihil
minùs in venas festinat ; et dum cruralem Arteriam
in Animali vivo ligavimus, trans vinculum eam ad
extrema inclusum sensim flaccescendo Sanguinem
absque sequantis, quem filum inhibebat, incitamen-
to, vidimus effundere.

Experieris idem in venâ, quæ crus perluit, inter-
rumpente continui Sanguinis tenorem ligamine,
tum enim ad filum ab extremis turgida, properante
nihilominus versùm cor Sanguine, non soli Systoles
urgentis impulsui decursum per Arterias ad extrema,
nec ad cor inde per venas refugium tribuendum de-
monstrabit.