Page 48, Ioan. Pecqueti Diepæi Dissertatio anatomica de circulatione sanguinis et chyli motu.

de diastoles attractione

Diastoles ergo munus observandum. Hujus est
Sanguinem excipere ; Sed num, ut quibusdam
placuit, Attrahendo pelliciat, exugátve, sic-
que Systoles Impulsui subsidium ferat, vestigandum.

Diastole Systolen immediatè sequitur ; Ergò cum
Systole desinit, jam turgidis venarum urgentium ca-
nalibus, parata eruptioni Sanguinis moles ad cordis
fores pultat, illiúsque dato aditu ingurgitat ventri-
culos, Diastole solùm obsequij vices conferente ; si-
cut indubitatè pateat, quam sit superfluum Attrac-
toriam aut Suctoriam, si mavis virtutem consti-
tuere, quam in fluidorum quidem negotio ægris sem-
per auribus toleravi.

Et certè quidquid Adeversarij argutentur, et quas-
cunque in Attractionis opem machinas adhi-
beant, eloquentior experientia refellit, diruítque.
Iisdem machinis pugnare libet, sicut suismetipsis tan-
dem armis prostrati fateantur aërem in Folles, quos
adducunt ; aquam in Ælopilas, aut Antliam, Cala-
múm-ve ; carnem demùm in Cucurbitulas nullâ
Suctionis illecebrâ, sed Externæ duntaxat
Impulsionis violentiâ succedere.

Vt feliciori conatu valeam involutum hactenus ex-
plicare mysterium supponendum venit ab aëris non
pondere tantùm, sed et Elateris eidem innati virtute
comprimi terraqueum orbem : verùm quoniam ægrè,
quidquid etiam num est in dubio, supponitur, patere,
sodes iisdem te mecum argumentis, et experimento-
rum evidentiâ suaderi.