Page 125, Ioan. Pecqueti Diepæi Doct. Med. Monspeliensis
Nova de thoracicis lacteis Dissertatio.
in dextrum cordis (ut docet circulatio) labi ventri-
culum ; et hinc posse ipsum sibi Riolanum (qui circu-
lationem admittit in majoribus vasis, ac proinde in ca-
va ascendente) respondere, cum pag. 149. quærit
Quomodo ruat in cordis gurgitem chylus ? an moram faciat
in auricula dextra ? Et quoniam auricula cordis dextra
ante lateris ejusdem ventriculum movetur, dico, pri-
mùm in eam sanguinem, et admixtum propterea chy-
lum influere, successivo deinde incitamenti ejusdem
tenore cursum reflectere in subjecti ventriculi cordis
cavitatem.V. Veram αιματωσεως officinam esse, Cor, quan-
doquidem illic fermentatione primùm incipit chy-
lus naturam suam exuere : neque enim idonea fuit
tantæ mutationi sanguinis in ascendente cava socie-
tas : ruit scilicet sanguis à cerebro temperamenti fri-
gidi et manibus externo frigori omnium membro-
rum maximè expositis ; adde ipsius chyli, qui etiam-
num incoctus est frigidum pariter auctarium ; et pro-
inde ut in corde perfectum calorem acquirit, ita di-
co in corde chylum in sanguinem commutari.Etiam id confirmatur autopsia : Receptaculi in-
venti causa fuit (ut experimentis nostris anatomicis
habes) justo plus ex admixta chyli copiâ pallescens,
atque adeò usque ad abscessûs suspicionem, in ascen-
dente cava juxta cor sanguinis {a} repertus. Et quoniam
in diversitate corporum, sicut et ipsarum partium
variis affectionibus, non eodem modo convertuntur,
licet obnoxia sint æqualiter coctioni cum ad chylo-
sin, tum etiam ad hæmatosin alimenta, certum est
illum, qui penè momentaneus est, chyli per cor san-
guinisque transitum, minùs ad hæmatosin perfectam
- Sic pour : sanguis (Errata).
