Page 129, Ioan. Pecqueti Diepæi Doct. Med. Monspeliensis
Nova de thoracicis lacteis Dissertatio.

Neque adduci poterit, ut credat quem chylum in
descendentem cavam putat ingredi, suam in jecur
bilem deponere. Vnicum est cum hepate cavæ com-
mercium, ejusdem scilicet ramus gibbam jecinoris
subiens partem, et ob id aut sanguinis motus (quem
et ipsemet ab hepate per hunc ramum Riolanus dedu-
cit) bilis separationi ex adverso contraïret, aut secun-
dum veterem et erroneam attractionis, quæ reverà
nulla est, suspicionem duorum cogeremur in eodem
vasculo contrarios fluidorum impetus admittere.

Nec mihi instrumenti, quo per aquam vinum trans-
cendit, vulgo un Montevin debet exemplum pag. 186.
ciere, ne sapiat ultra crepidam sutor. Temeritatis est
in ignoratam doctrinam præceps judicium effundere.
Periculosum imperito machinas et mechanica tra-
ctare negotia. Ita quia non usquequaque delirat Rio-
lanus, nihil scommatis in meam de attractio-
ne sententiam ne in obscuro quidem sagittavit, aut
machinatus est. Instrumentum illud cuilibet ad ma-
num est. Habeantur duæ phialæ vitreæ, quarum una
angustiori collo impleatur aquâ, et in alteram vino
plenam, et cujus collum sit paulo latius, inseratur,
sicut, quæ vinea est aqueam sustentet ad perpendi-
culum ; videbis intra superiorem phialam vinum trans
aquam in fumi erumpentis modum sursum festinare,
donec tandem cum aquâ corruente sedem mutaverit.
Eo Instrumento sursum aqua vinum propellit ut
oleum, ut aëre turgidam è fundo vesiculam, nec inde
tamen, necessariò gemina dari, aquæ quidem deor-
sum, sursum verò aëri, oleo, vino principia conclu-
dendum. Hæc scilicet in sublime feruntur solo aquæ
pondere centrum petentis, et ob id extra se per suæ
molis perpendiculum quælibet gravia seu minùs seu