Page 173, ad ioan. pecquetum doct. med. monspeliensem gratulatoriæ epistolæ.

beant, ut rei Anatomicæ curam omnem abjicias :
nam dum illustrissimus patronus tuus prosperè uti-
tur operâ tua rebus suis componendis, perit fermè
tempus universum, cujus vel pars non minima publico
bono impendi deberet.

Et in istâ sanè Medicinæ infantiâ seu pueritiâ, quip-
pe quæ nondum adolevit, sed ore blæso et titubanti
pede progreditur, mirum quî audeant homines suæ
sibi tenuitatis conscij et Doctoratûs insignia, et Aca-
demiarum privilegia jactitare : quasi Lutetiæ, et in
Occitania, et in Belgio, et in Italia pariter non cæcu-
tiatur. Itaque non possum non ridere et Curti et Fu-
stis, et cæterorum frigida scommata, quibus plerun-
que Clodius accusat mœchos, Catilina Cethegum ;
neutro quidem utiliora et frugis melioris pervi-
dente.

Institutionem Academiarum non arbitror eo fine
à Principibus factam, ut limites humanæ rationi et
solertiæ eruditorum præfigerentur ; sed ut eo loci
præclara quæque ingenia confluerent, et mutuo ar-
tritu veritatum scintillæ excuterentur. Nec doctrina
Hippocratis aut interpretatio Galeni tanti facienda,
ut ne latum unguem ab ea discedere concedatur. Et
multò minus id probarim, injectam civibus, liberis
hominibus, necessitatem illius tantùm Medici admo-
vendi et consulendi, qui in certâ quâdam Academiâ
doctoratum sit adeptus : quasi fungos et bardos tan-
tùm alerent exteræ regiones, nec constaret.

Summos posse viros et magna exempla daturos
Vervecum in patriâ crassoque sub aëre nasci.

aut quasi non liceat cuique de corio suo ludere, et
plerunque illa quæ fecit artem experientia populum