Page 182, brevis destructio responsionis riolani, auctore hygino thalassio.

usûs, publici faceret juris, omnes calumniandi ansas
præcidisse videbatur ; ut tunc ominatus fuisset quis-
piam nullos fore nisi rebelles lumini, cæcósque vo-
luntarios, aut invidos ac superbos homeromastigas,
qui ipsum æqui bonique non consulerent. Nihilo-
minus D. Io. Riolanus, vir eruditissimus et in anato-
me maximi nominis, adversus hæc vasa chylifera, et
eorum observatores styli aciem strinxit, sed tam ira-
cundè atque hostiliter, ut in infames agyrtas, sicarios
ac furciferos, in civium capita et fortunas insidiosissi-
mè grassantes vehementiùs insurgere non potuisset.

Miraberis, Iatrophile, talem virum victuris sem-
per præstantissimi ingenij monimentis de republica
litteraria optimè meritum, propriâque et avitâ laude
inter litterarum heroas jam satis fulgentem, adhuc
alienâ obtrectatione scientiæ famam aucupari. Sed
difficilè natura vincitur, vixque serò faciles habet
mores ac domi quiescere potest, qui tota die in via
jurgia miscuit. Antiquum enim istud est et familiare
Riolano, velut quinquertio natus esset, omnes om-
nium gentium de Anatome scriptores in certamen
vocare, omnes data operâ insectari, ac Romanorum
more bella bellis serendo, ita forsan omnium Princi-
patum ambire. Non hîc, Iatrophile, neque alibi, Deo
mutuante, mea laborabit fides. Consule, si placet, in
magno Anthropographiæ volumine solos librorum
titulos, vel capitum indices, statim et primâ fron-
te occurret summo iure ab eo animadversum fuisse
in Laurentium, Bauhinum, Spigelium, Bartholinum,
Hofmannum, Veslingium, Parisanum : pugnatum quo-
que acriùs in Harveum, Valleum, Conringium, Car-
tesium, Plempium, Leichnerum, Cornelium ab Hoge-