Page 203, brevis destructio responsionis riolani, auctore hygino thalassio.

quæ censor in responsione Pecqueto objecit. Quale
est istud toties repetitum in respons. ad experim. pag.
167. 179. 180. 181. de Chyli sordibus spiritus vitales in-
quinantibus. Reprehendit quoque hæc epistola præ-
posteram consuetudinem de natura sine natura judi-
care, hoc est sine illius operum inspectione. Etenim
magna pars mortalium naturæ sua cogitata imputat,
ac plurimi ei velut in equuleo vim inferunt ac variè
tormentum adhibent, ut non vera, sed ad libita res-
pondeat. Multi etiam vituperant diligentes quos-
dam ac sedulos viros, qui dum unius naturæ se pro-
fitentur discipulos, Deum habere præceptorem
verè gloriantur.

Inter istos autem reprehensores primum locum
meritò tenet Riolanus, cui familiarissimum est hoc
modo solvere inexpugnabile argumentum, ab expe-
rientia depromptum. Exempli gratiâ, ut evertat de-
monstrationem circulationis sanguinis in porta ;
quæ manifesta est ligato vivi canis mesenterio, et
maximè, constricto ejusdem portæ trunco iuxta he-
par, inter quod et vinculum subsidens statim, et
exsanguis portæ truncus observatur, qui laxato vin-
culo sanguine turgidus apparet. Dubito (inquit) de isto
experimento, quamvis ab Harveo sit productum. Illud ego
ante à Cartesij epistola jam à quatuordecim annis
acceperam. Lib. de circulat. sanguin. c. 13. p. 146. {a}
Istæc {b} experimenta (inquit) erunt administranda, ut rei ve-
ritas exploretur et innotescat. Verùm tædiosa, laborio-
sa et difficilis viventium animalium anatome, sanguinis
effusio omnia perturbat, et irritum facit experimentum. At
vasorum fecit experimenta in vivis porcellis Hippo-

---

1. Sic pour : 46.

2. Sic pour : Isthæc.

---