Page 235, brevis destructio responsionis riolani, auctore hygino thalassio.

dolore in visceribus et renibus, sine ulla supicione ulceris in
istis partibus, suspicari licet lacteum esse chylum effusum in
emulgentes. Sic etiam chylus in thoracem effusus po-
test puris speciem mentiri ex Guiffarto, quam obser-
vationem laudavit Riolanus, ut capite superiori di-
ctum est. Pergit idem in judicio de venis lacteis pag.
29. Qui detractus fuerit sanguis, si lacteus appareat, ne putes
semper à putredine summa vitium istud genitum in hepate ;
sed ab isto chylo deerrante in venas brachij vel pedis, vel pro-
pter venæ sectionem copiosam tandem attracto. Hos Riola-
nus affert usus venarum quas in eodem judicio de ve-
nis lacteis pag. 7. lin. 6. imaginarias vocat. Functiones,
inquit, clariùs non elucent, introductis istis lacteis imagi-
nariis. Idem pag. 188. et 189. suæ respons. ad experi-
menta sic adhuc loquitur de sanguine, in sanguine edu-
cto per phlebotomiam et vasculis excepto, superficies digi-
ti minimi crassitie albicans non tam à putredine sanguinis na-
scitur, quàm ab ista chyli portione profluente cum sanguine quæ
supernatat. Sed cum is sanguis educatur potissimùm
in Rheumatismo in quo jecur cæteraque viscera nu-
tritia fervent, ac plerumque totum corpus febre con-
flagrat, verosimilius est spissiorem hanc superficiem ex
pingui, et cremoris pelliculæ persimili, sanguinis
portione vi caloris crassescere ; velut igne spissescit
pulticulæ superficies, non inficior, addit Riolanus in ju-
dicio de venis lacteis pag. 30. à corruptione sanguinis id
enasci in febribus malignis. Verùm apparet has febres
accendi potiùs ab exquisita, insolita et profunda
chyli putredine in receptaculo ac lacteis thora-
cicis corrupti. Ex quarum cognitione nova hæc
utilitas decerpi potest : nam in his febribus san-
guis colore et substantiâ laudabilis ut plurimùm de-