Page 247, ad ioan. pecquetum doct. med. monspeliensem gratulatoriæ epistolæ.
Viro Clariss. ioanni pecqveto
Doctori Medico anatomico
diligentissimo,
mathevs chatelain
Doctor Medicus Monspeliensis.
Cvm mihi (Vir Clarissime) nihil unquam
ipsa charius fuerit veritate, cujus sub
auspiciis omnia tentare gloriosum est ;
Legitimis ipsius hodiernâ die stimulis
concitatus silentio præterire non pos-
sum quæ vidi, quæ tetigi et quæ tota mecum cele-
berrima Monspeliensi Academia in theatro anatomi-
co maximo cum applausu demirata est. Quamvis gra-
ves in ipsa tumultus fuisse concitatos verissimum sit,
dum unica sanguificationis sedes prædicabatur cor,
dumque venas lacteas à te subtilissimè repertas, et
chylum in ipsum cor per subclavias venas deferentes,
fideles tantæ veritatis testes esse, similissimè sustine-
bas. Sed tandem ipsa victi veritate, pacatóque prorsus
tumultu, manus dare coacti sunt tuúmque nomen
imortalitati commendare. Quam profectò verita-
tem acutissimis rationum momentis et ipsa indigita-
tione {a} confirmare dignatus es ? Non dicam quanto
animi robore in examinibus et in triduana disputa-
tione (dum apollinarem lauream ambiebas) prædi-
- Sic pour : indagatione.
