Page 7, thomæ bartholini de lacteis thoracicis historia anatomica.

Per distinctum vasorum genus peculiare derivat ad li-
enem Cl. Conringius l. de Gen. Sang. c.6. aliqvando dete-
gendum, sed solum potulentum chylum non exspectata
pylori apertione. Variis opinionem argumentis eruditè
probat, de qvibus in Reformata Anatome nuper egimus.
Nam suppositione tali nituntur, qvam ipse postmodum
pro candore suo damnavit. Pylorum enim non dum
concocto alimento crassiore aperiri, chylumqve per intesti-
na distribui, qvotidie in sectionibus animalium homi-
numqve experimur. Et ad vias ignotas confugere infra A-
natomici est dignitatem, ubi apparent manifestæ ; In mi-
nori certè adhæsione lienis, nunqvam hujusmodi vias
invenimus, qvanqvam post pastum potumqve fuerint suf-
focati. Jamqve summum Virum in aliam propendere sen-
tentiam certo indicio suspicor.