Page 17, thomæ bartholini de lacteis thoracicis historia anatomica.

occurrisset. Nos communi appellatione Glandulas la-
cteas lumbares vocabimus, qvia tales revera in homine
nobis visæ et brutorum parum hinc abludunt.

Situs, Infra centrum mesenterij, qvod subinde alteri
exactè superponitur, sub cæliaca et emulgentibus, circa
lumbares vertebras inter earundem musculos ψοας, me-
dia ferè regione inter renes et capsulas atrabilas, qvas
uti et renes subinde tangit vel immediato contactu vel
missis ramis. Non prorsus medium lumborum locum
servat, sed subinde ad dextrum deflectit, plerumque ad sini-
strum, interdum ad utrumque latus inter musculos
lumbares sub cava. Superior glandula in homine dex-
trum eligit, statim sub appendicum diaphragmatis exor-
tu, reliqvæ inferiores cum Receptaculo brutorum parem
situm occupant.

Profundior situs et ad tutelam spectat, et calorem
ob vicinas arterias, et ad faciliorem chyli expressionem.
Anteriori enim parte mesenterium instat, ad latus vel po-
stica parte vertebræ, à quibus in angustias compellitur,
ut tanqvam in situla butyrum vel aqva superposito pon-
dere chylus exprimatur. Qvam pressionem juvare credit
Pecqvetus Appendices Diaphragmatis vicinas illi subje-
ctas, qvæ distendi neqveunt in respiratione, qvin et ipsum
Receptaculum distendant, adeoque contentum chylum
propellant. Has vices glandula humana superìor justius
commodiusque experitur, qvam appendices septi arctius