Page 43, thomæ bartholini de lacteis thoracicis historia anatomica.

CAP. XIV.

Earumdem in Praxi Medica Utilitates.

Ex Usu primo lactearum varia in Praxi phœnome-
na explicabo, de qvibus inventor primus vel non
cogitavit, vel neglexit, qvæqve hactenus Medicos
ambiguos suspenderunt.

I.     Vim restaurativam cum medicamentis, alimen-
tis, cordialibus lacteæ hæ thoracicæ recipiunt vel ex ven-
triculo per glandulas lacteas, vel œsophago, statimqve ad
Cor deferunt. Hinc citissimè adeò cordialia, vini potus,
acetum et alia hujus census vires reficiunt, et subinde in-
ter sumptum cibum sedatur fames roburqve naturæ acce-
dit, ob ramum lacteum œsophago conterminum, et la-
ctearum reliqvarum ad cor brevem commeatum. Ad-
hæc potiones vulnerariæ vel pectorales mora brevissima
et tutissima via pervadunt ad cor et pulmones, qvum per
longas venarum ambages non ita sarta tecta perferan-
tur. Deleteria qvoqve et venena eâdem celeritate cor pe-
tunt, ejus συγκρασιαν destruunt, et spiritus inficiunt.

Herm. Conringius Professor Helmstadiensis cele-
berrimus, sententiam de novo hoc usu à me per literas ro-
gatus, multum dubitat. Primo enim æqvè expeditam
et brevem viam videri in cor ex hepate aut vena cava ab-
dominis ; et omninò ante illam connexionem ramulos
spargi in cavam qva parte cordi est propinqvior. Secun-
dò in illâ thoracicâ lacteâ nihil reperiri nisi aliqvot à pas-