Page 45, thomæ bartholini de lacteis thoracicis historia anatomica.

vel uterqve infrà dispiciemus. Deniqve vires animalis ignis
pingui sangvine ali, dubium non est, qvod eruditè evicit
more suo Vir laudatus et nobis similia in mentem vene-
runt libr. De Luce Animalium ; sed res eodem recidit, qvia
sanguis pinguior à Chylo pinguescit, de cujus viis nunc dis-
putamus.

II.     Variorum affectuum generationem facilem et
expeditam nuper inventæ lacteæ thoracicæ propalant.

1. Consensus ventriculi cum corde jam est manifestus,
   hactenus satis controversus, nec ad nervos amplius,
   obscuras vias, et alia effugia confugiemus, qvia patent
   manifestæ.

2. Syncopalis febris ex humore crudo hinc trahit exor-
   tum, qvam Galenus 12. Meth. Med. c.3. ab oris ventricu-
   li deducit offensione.

3. Palpitationes cordis post cibum copiosum, vel à sero
   copioso ex potibus exinde dependent. De aliis viden-
   dus Piso, ut de Hydrope thoracis.

4. Pulsuum mutationes cibo sumpto, qvi dignosci à Me-
   dico prudenti {a} idcircò non debent. Imò pulsus interce-
   ptio in ασφυξια, obstructis his thoracicis inducitur,
   unde sanguis, copiosus alioqvin, humore necessario
   dilui neqvit, sed concrescit. Hinc vidit Guido Patinus
   Medicus Parisiensis summæ eruditionis ingeniiqve, et
   saluberrimæ Facultatis ibidem Decanus meritissimus,
   Lutetiæ Virum diutius ασφυξια laborantem, in cujus
   cadavere dissecto cordis magna vasa sanguine concre-

---

1. Sic pour : prudente (errata).

---