Page 46, thomæ bartholini de lacteis thoracicis historia anatomica.
to erant repleta. Sæpius id qvoqve observavi in subito
demortuis cadaveribus, passim à me dissectis. Pana-
rolus Pentec.1. Obs.31. in febre ardentissima mortuo vi-
dit Romæ cor torrefactum pyri tosti instar absqve ulla
pericardii aqva. Unde febricantes et potu indigent, et
eundem appetunt. Iisdem lacteis obstructis sine dubio
animi deliqvio occubuit Robertus de Marca apud
Smetium l.10. Miscell. cujus ventriculi cordis coagulato
sanguine scatebant. Et passim talia occurrunt exempla.
- Mors inopinata copioso cibo ingesto, qvi qvidem per
devia hepatis pervadere ea non potuit celeritate. Plate-
rus l.3. Obs. p.m.652. refert hydropicam qvandam eva-
cuata aqva, avidè cibum præter modum sumpsisse,
unde vomitu et cardialgia superveniente subitò sit ex-
tincta.- Gibbositate qvacunqve ubi vel ad exteriora ut in κυβω-
σει, {a} vel ad interiora ut in λορδωσει, vel ad latera, ut in
σκολιωσει, vertebræ dorsi torquentur, depravantur
qvoqve, lactei thoracici, et premuntur, unde corporis a-
trophia, dejecta appetentia, et vomitus. Videnda ex-
empla apud Galenum variis locis, Hildanum Cent.5.
Obs.65. aliosqve.
- Sic pour : κυφωσει.
