Page 68, thomæ bartholini de lacteis thoracicis historia anatomica.

ci enim nervos mentiuntur, qvos æmula similitudine re-
ferunt, vel certè fibras, ubi liqvor lacteus expressus fu-
it. Utrinqve per latera vertebræ dorsi descendunt sexti
paris nervi, qvos jam demum à thoracicis lacteis distin-
guere didicimus duplici notâ, 1.qvod illi latera serpant,
terminenturqve in diaphragma vel ejus appendices ; hæ ve-
rò vel mediæ in spina incedant vel proximè inter sexti pa-
ris nervum et spinam alterutro latere, per diaphragma ad
abdomen subjectasqve glandulas lacteas descendant ulte-
rius. 2. Qvod discissi illi vel ligati, nec liqvorem ullum
profundant, nec ut thoracicæ lacteæ, intumescant. Qvi-
bus addi potest et utriusqve vasis origo seu insertio. A ce-
rebro nervi producuntur, lacteæ ex abdomine in axilla-
rem terminantur. Sæpe qvoqve adipis species nos fefellit.
In vacca nuper pasta diligenter in thoracicas lacteas e-
jusqve fibras inqvisivi, sed adeò pinguedini immersæ late-
bant, ut præter fibrillas nihil comparuerit, summo labo-
re distingvendas. Glandulæ autem lacteæ novæ seu re-
ceptaculum tam glandularum mesenterii hactenus nota-
rum qvam adipis nomine facilè imposuerunt scrutatori-
bus. Qvod verò Pecqveto,, mortalium felicissimo, invi-
sa omnibus seculis patuerint, munus esse fortunæ cum in-
scio ludentis, ingenua confessione ipse cap. 2. profitetur.