Page 140, Ioannis Riolani Responsiones duæ (1655).
2. Ad Pecquetianos.

sentericas, ab antiquis Medicis et Aruspicibus
inuentas fuisse, cùm Hostias siue victimas vi-
uentes pinguiores et bene pastas (vt pleniores
apparerent) ante mactationem, in sacrificiis of-
ferrent. Ideóque Lactes Latini vocârunt Me-
senterium, propter Venas Lacteas, quibus con-
spersum est. Quod spectat ad Venas Lacteas
Thoracicas, Mantelus, in sua Epistola gratula-
toria ad Pecquetum, aucta, asseuerat à se inuen-
tum Receptaculum anno Domini 1629. et ab eo
demonstratum fuisse multis Philiatris ad hoc
spectaculum vocatis, ídque publicauit, notúm-
que fieri voluit à Iuuene Medico Rothomagen-
si, qui de hoc Inuento, et Typographiæ Inuento-
ribus, Atauis Manteli, multa dixit falsa et ridi-
cula ab ipso Mantelo suggesta, ut Pecqueti glo-
riam deprimeret.

Hornius Professor Anatomicus publicus in A-
cademia Leidensi, Receptaculi et Venarum
Thoracicarum se Inuentorem prædicat, et ea
de re libellum scripsit ibidem editum.

Rudbeckius, Medicus et Professor Regius in
Academia Vpsaliensi, quæ est in Regno Sueciæ,
Lacteas Thoracicas et Venas Lymphaticas se
primùm detexisse asseuerat anno 1650. et hæc
demonstrasse Serenissimæ Reginæ Christinæ, tunc
regnanti in Suecia, idque sustinuit editis libel-
lis contra Bartholinum.

D. Guido Patinus, Collega noster et Professor
Regius, Epistolam nuper acepit Gallicè scriptam
Genuæ, à D. Alcidio Musnier, Doct. Medico, à
viginti annis ibi commorante, et in praxi oc-
cupatissimo, propter eximiam eruditionem et