Page 27, Ioannis Riolani Responsiones duæ.

animalium, cap. 7. et alibi variis in locis, et hoc
deprompsit ex Hipocrate, lib. 4. de morbis. De
isto officio Lienis amplissimè disseruit Riolanus
lib. 2. Anthropographiæ, pag. 136. Nec plura
dico.

Pag. 122. Vt motum Chyli ad superiores
partes demonstret, scribit Receptaculum et ge-
minas Thoracis lacteas Venas Aortæ subiacere ;
Vnde infert, celeriori profluuio Chylum in easdem
Thoracis lacteas incitari, quàm in Receptaculum,
è Mesenterio ruat. Attamen suprà docuit, Chy-
lum morari, in receptaculo, dum non potest fluere
per exilitatem lactearum Thoracicarum. Addit
Thoracis Lacteæ vicinorum compressione vi-
scerum quotquot Thorax includit cùm Aortæ
continuo pulsu agitantur. Debebat denotare
viscera, quæ Thorax includit : sunt tantùm duo,
pulmo et Cor. Pulmo in sano corpore leuiter
mouetur ; Cor et Aorta sunt in medio Thora-
ce suspensa ; Aorta non recumbit supra spinam,
nisi in transitu Diaphragmatis : Receptaculum
habet incitamenta ex psoarum connixu. Psoæ
Musculi exortu suo carnosi, sunt firmiter af-
fixi tranuersis Apophysibus, siue costulis Ver-
tebrarum lumbarium, nec mouentur, nisi in fle-
xu femoris, extremâ sua parte. Addit. Ex hoc
sanè habuisset Riolanus, quo paginarum 167. et
168. dubia potuisset resoluere. Sic conatur excu-
sare errores suos notatos à Riolan.

Pag. 123. In Experimento tertio, Cor per
Coni medium transuersâ plagâ diffindit, vt vi-
deat sanguinem fluentem cum Chylo. At in
consequentiis contrarium scribit pag. 124. Chy-